Fisnik Asllani shkëlqen në barazimit ndaj Këlnit të Paqaradës

Ylli i ri i Kombëtares së Kosovës, Fisnik Asllani ka shkëlqyer në ndeshjen e javës së dytë në Bundesliga 2, ndonëse nuk luajti si titullar. Ai ka realizuar një gol dhe dhënë një asist në barazimin që skuadra e tij, Elversberg e arriti para tifozëve të vet ndaj Këlnit të Leart Paqaradës (2:2). Fisnik Asllani realizoi golin në minutën e 46-të për shifrat 1:1, derisa më pas asistoi për Schmahl për golin e epërsisë së përkohshme 2:1, në minutën e 62-të. Ndërkohë, Paqarada asistoi tek goli i Hubers për shifrat përfundimtare të këtij takimi, 2:2, në minutën e 84-t.