November 2026
M T W T F S S
 1
2345678
9101112131415
16171819202122
23242526272829
30  
November 21, 2026

Van Dijk nuk ka vendosur për të ardhmen, Milani e ndjek situatën e holandezit

Mbrojtësi i Liverpoolit, Virgil van Dijk, ka thënë se ende nuk ka marrë vendim për të ardhmen e tij, duke lënë të hapur mundësinë e vazhdimit të kontratës ose largimit nga klubi anglez.

“Nuk kam vendosur asgjë. Çfarëdo versioni që të shihni në qarkullim, se Van Dijk rinovon apo nuk rinovon, nuk është i vërtetë. Jam në fazën e vlerësimeve”, ka deklaruar holandezi.

Ai ka theksuar se do të ishte i lumtur të vazhdonte në Liverpool, por në rast të largimit do ta falënderonte klubin për gjithçka që i ka dhënë.

“Nëse do të rinovoja, do të isha i lumtur të vazhdoja këtu. Nëse nuk ndodh, mundem vetëm ta falënderoj Liverpoolin, sepse ka qenë një vend ku më kanë dhënë shpirtin, ku edhe unë kam dhënë gjithçka”, ka thënë Van Dijk.

Kontrata e mbrojtësit përfundon më 30 qershor 2027, ndërsa situata e tij po përcillet me interes nga Milani, që e sheh si një objektiv të mundshëm për verën e ardhshme.

Ndërkohë, drejtuesit e klubit italian po planifikojnë merkaton e janarit, e cila nis më 2 janar dhe përfundon më 1 shkurt 2027.

Pronari i Milanit, Gerry Cardinale, ka zhvilluar takime në selinë e klubit, ku një nga temat kryesore ishte rinovimi i kontratës së Adrien Rabiot deri në vitin 2031. Marrëveshja aktuale e mesfushorit francez është e vlefshme deri në qershor 2028.

Po ashtu, pritet zyrtarizimi i Markus Krösche si drejtor i ri i futbollit, me përgjegjësi për sektorin sportiv dhe merkaton, si dhe për bashkëpunimin me trajnerin Ruben Amorim.

Cardinale pritet të jetë sot në Milanello, ku do ta mbështesë skuadrën para ndeshjes në shtëpi kundër Frosinones.

Leave a Reply

Your email address will not be published. Required fields are marked *