Llapi fiton në kryeqytet me dy golat e Hysenit
Muhamet Hyseni ka shkëlqyer për Llapin të dielën në stadiumin e Ramiz Sadikut në Prishtinë.
Llapi e mposhti Prishtinën me rezultatin 2:0, në ndeshjen e vlefshme për xhiron e 31-të të Superligës së Kosovës në futboll. Të dy golat i shënoi sulmuesi Hyseni.
Ai realizoi për 1:0 në minutën e 13-të dhe për 2:0 në minutën e 81-të. Të dy golat u konfirmuan pas rishikimit të VAR-it.
Me fitore Llapi vazhdon garën për titull të kampionit. I ka 61 pikë në vendin e dytë, dy më pak se lideri Ballkani.
Prishtina renditet e pesta me 43 pikë.
