Kosova barazon me Maltën dhe kualifikohet në “Elite Raund”
Kosova U19 është kualifikuar në raundin elit të kualifikimeve për “Euro 2024”. Raundin kualifikues, Kosova e ka mbyllur në pozitën e dytë të grupit 7 kualifikues, ndeshjet e të cilit janë mbajtur në Maltë.
Në duelin e fundit të grupit, Kosova U19 ka barazuar 2:2 ndaj Maltës të martën.
Dardanët e rinj edhe pse ishin në epërsi 2:1 deri në minutën e 82-të të ndeshjes nuk ia dolën të marrin pikë të plota, pasi lejuan kundërshtarin të barazoi rezultatin dhe në këtë mënyrë ndeshja u mbyll 2:2.
Kosova pas këtij barazimi ka lëshuar pozitën e parë në tabelë duke u renditur e dyta më pesë pikë ndërsa e para është Ukraina me gjashtë pikë, por ka siguruar kualifikimin në “Elite Raund”. /Futbolli.info
