Rangnick: Nuk mund ta besoj se po kthehemi në shtëpi, Turqia kishte Gordon Banks në portë
Një nga kombëtaret më bindëse të Kampionatit Evropian 2024, Austria fatkeqësisht u eliminua nga kampionati, pasi pësoi dy gola në ndërprerje dhe humbi nga Turqia me rezultatin 2-1.Skuadra e Ralf Rangnick u largua në pikëllim nga fusha në Leipzig.
“Nuk bëmë mjaftueshëm për t’i kthyer rastet në gol. Mendoj gjithashtu se nuk u mbrojtëm mirë në ndërprerje pas të cilave ranë golat e tyre. Ende nuk mund ta besoj se duhet të shkojmë në shtëpi. Menduam se do të vazhdonim rrugën. Nuk patëm fatin dhe nëse ndeshja do të shkonte në shtesë, besoj se do të kishim fituar. Kemi pasur kohë për të barazuar rezultatin, por kjo është e vështirë kur kundërshtari ka Gordon Banks në portë”, tha trajneri i Austrisë, Ralf Rangnick.
Në fakt, intervenimi i portierit Mert në sekondat e fundit të ndeshjes ngjan me atë të anglezit legjendar në Kupën e Botës 1966.
Kush ishte Gordon Banks?
Gordon Banks ishte një nga portierët më të mëdhenj në historinë e futbollit. Ai është më i njohur për kohën e tij si portier i Anglisë dhe për performancën e tij në Kupën e Botës 1966, ku Anglia fitoi trofeun. Banks gjithashtu është i famshëm për një pritje të jashtëzakonshme në Kupën e Botës 1970 ndaj një goditjeje me kokë të Pelé-s, e cila shpesh quhet “Pritja e Shekullit”.
