Brazili do të duhet të kalojë rrugën e vështirë, dihen të gjitha duelet çerekfinale të Copa America!
Mëngjesin e sotëm është kompletuar raundi i pjesëmarrësve në çerekfinalet e “Copa America”, kompeticion që këtë verë po zhvillohet në Shtetet e Bashkuara të Amerikës.
Brazili ka zhgënjyer edhe një herë tifozët e tij, pasi barazoi me Kolumbinë (1:1), duke ia vështirësuar rrugën vetës drejt finales së madhe, pasi kundërshtari i parë në fazën e eliminimit do të jetë Uruguai i ndërlikuar i Marcelo Bielsa. Një problem shtesë për “kariokët” në këtë duel do të jetë mosparaqitja e Vinicius për shkak të kartonëve. Çerekfinalet nisin natën mes të enjtes dhe të premtes. Argjentina, një nga përzgjedhjet e pamposhtura të turneut, luan kundër Ekuadorit . Venezuela do të përballet me Kanadanë , ndërsa Kolumbia duhet ta ketë të lehtë me Panamanë.
Çiftet çerekfinale të Copa America:
Argjentinë – Ekuador (03:00)
Venezuelë – Kanada (03:00)
Kolumbi – Panama (00:00)
Uruguay – Brazil (03:00)
