Newcastle vendos çmimin për Isak: 170 mln euro dhe dy zëvendësues të gatshëm
Alexander Isak vazhdon të jetë në qendër të merkatos, por Newcastle mbetet i vendosur për të mos e liruar sulmuesin pa kushtet e veta. Sipas raportimeve të The Telegraph, klubi anglez kërkon 170 milionë euro për shitjen e 25-vjeçarit dhe një paketë të dy sulmuesve të rinj që do të zëvendësonin atë, ku të paktën njëri duhet të jetë lojtar i klasit botëror.
Megjithëse Isak ka shprehur dëshirën për largim, drejtuesit e Newcastle nuk e kanë ndryshuar strategjinë. Deri më tani, Liverpool ka ofruar 125 milionë euro, një shifër që nuk i plotëson kërkesat e klubit anglez.
Klubi anglez duket se po kërkon një marrëveshje që jo vetëm të sigurojë vlerën maksimale për Isak, por edhe të ruajë konkurrencën e skuadrës për sezonin e ri.
