Kosova me pozitën më të mirë që nga pranimi në FIFA

FIFA ka publikuar renditjen më të re të Kombëtareve, pas përfundimit të ndeshjeve të fundit ndërkombëtare.
Kombëtarja e Kosovës ka shënuar përparim, duke u ngjitur për dy pozita në renditje. Dardanët tani renditen në vendin e 95-të, krahasuar me pozicionin e 97-të që mbanin muajin e kaluar. Ky progres vjen si rezultat i dy fitoreve të arritura në ndeshjet miqësore kundër Armenisë dhe Ishujve Komore.

Ndërkohë, Kombëtarja shqiptare ka pësuar rënie për dy pozita. Kuqezinjtë tani ndodhen në vendin e 68-të, pasi në muajin qershor barazuan me Serbinë dhe Letoninë në kuadër të ndeshjeve kualifikuese për Kupën e Botës 2026.

Renditja e FIFA-s publikohet në baza mujore dhe reflekton rezultatet e kombëtareve në ndeshje zyrtare e miqësore.