Chelsea shkëlqen në finalen e Botërorit të Klubeve – mposht PSG-në 3:0
Chelsea është shpallur kampion i versionit të zgjeruar të Botërorit të Klubeve (me 32 skuadra) pasi mundi pa telashe dhe dominim Paris Saint‑Germain-in, me rezultatin 3:0 në finalen e luajtur në MetLife Stadium në New Jersey. Ndeshja u zhvillua në prani të presidentit amerikan, Donald Trump, e ku “blutë” e Londrës treguan se kanë “shpirt e karakter”, jo vetëm emër, në mënyrë perfekte.
Në minutën e 22-të, Cole Palmer rrëmbeu vëmendjen: një goditje e saktë e tij nga brenda zonës, pas asistit të shkëlqyer të Malo Gusto, për të sjellë epërsinë 1:0.
Vetëm tetë minuta më pas (minuta 30), Palmer u shndërrua në protagonist absolut: me fintë, ritëm dhe elegancë, ai kaloi disa mbrojtës dhe materializoi për të dyfishuar rezultatin në 2:0.
Në minutën e 43-të, Palmer doli sërish në skenë, kësaj radhe shërbeu një top përsosmërie drejt Johão Pedro, i cili me një “chip” prej mjeshtri i çoi shifrat në 3:0.
PSG, e udhëhequr nga trajneri Luis Enrique pas triumfeve të mëparshme (përfshirë fitoren 4:0 ndaj Real Madridit), u duk pa jetë, pa ide dhe pa ritëm loje. Frustrimi përmbyllës erdhi me kartonin e kuq për João Neves në minutën e 85-të, për shkak të një tërheqjeje flokësh ndaj Marc Cucurella-s.
Portieri Robert Sánchez ishte një tjetër pikë e fortë për Chelsean: ai minoi çdo tentativë të PSG-së, veçanërisht nga Ousmane Dembélé, duke ruajtur portën e paprekur.
