Munishi: Nuk e shoh veten si trajner të Kosovës, sidomos me këtë mënyrë të udhëheqjes së futbollit kosovar

Kombëtarja e Kosovës ka mbetur pa trajner– pas largimit të sllovenit, Primoz Gliha.

FFK po punon për të emëruar trajnerin e ri të kombëtares dhe shumë emra janë në propozim momentalisht.

Disa nga tifozët kanë propozuar Ismet Munishin, i cili ka reaguar duke theksuar se nuk e sheh veten në krye të kombëtares, sidomos tani në këtë mënyrë se si po udhëhiqet futbolli.

Ja postimi i tij (pa ndërhyrje):

“I falemderoj lexuesit dhe fansat për përkrahjen. Unë akoma nuk e shoh vehten si selektorë të Kosoves , sidomos me këtë mënyrë të udhëheqjes së futbollit Kosovarë. Ndihem i privilegjuar që populli vlerson talentin dhe karakterin tim duke me futur në grup me këta trajner fantastik dhe emra të mëdhenjë”, ka shkruar Munishi në Facebook.