Vushtrria – Liria, dita e barazhit në Ligën e Parë të Kosovës
Vushtrria dhe Liria do të luajnë sot (e shtunë) në ndeshjen e barazhit të Ligës së Parë të Kosovës, për “play-off”-in e Superligës.
Dy klubet e njohura kosovare do të luajnë aktin e parë për inkuadrim në Superligën e Kosovës, pasi sot zhvillohet ndeshja e barazhit.
Liria si vend i dytë i Grupit A dhe Vushtrria si vend i dytë i Grupit B do të tentojnë ta fitojnë ndeshjen e sotme për të luajtur ndeshjen e ‘play-off’-it për Superligë.
Fituesi i kësaj ndeshje do të ndeshet në ‘play-off” me vendin e tetë të Superligës së Kosovës, pozitë e cila ende po diskutohet nga Llapi dhe Suhareka.
Takimi i barazhit është paraparë të zhvillohet në stadiumin “18 Qershori” në Klinë, me fillim nga ora 16:00.
