Pio Esposito i vendosur ta ndihmojë Interin të rikthehet në majë

Pas një sezoni pa trofe, Inter synon rikthimin si protagonist në Serie A dhe në garat evropiane, ndërsa sulmuesi i ri Pio Esposito shpreson të luajë një rol kyç.

19-vjeçari shënoi një gol në barazimin 2-2 në miqësoren kundër Monza-s, ku Inter fitoi me penallti. “Goli ishte një ndjesi e mrekullueshme. Jam i lumtur që fituam me penallti. Po ndërtojmë një ekip me mentalitet fituesi”, tha Esposito.

Duke folur për trajnerin Christian Chivu, ai shtoi: “Kam shumë mirënjohje dhe vlerësim për të. Kemi një lidhje të veçantë, pasi jemi rritur së bashku si lojtar dhe trajner. Është një histori e bukur”.

Esposito theksoi se skuadra është e fokusuar për sezonin e ri: “Ne duam të synojmë fitoren si gjithmonë, ndaj po punojmë shumë”.