Mbappe shkëlqen në fitoren e Francës ndaj Danimarkës

Franca ka fituar përballë Danimarkës në ndeshjen e xhiros së dytë të Grupit D.

Francezët të shtunën mposhtën danezët me rezultatin 2:1.

Kylian Mbappe ishte më meritori në fitoren e Francës me dy gola të shënuar.

Mbappe shënoi fillimisht në minutën e 61-të pas asistimit të bukur të Theo Hernandezit.

Danimarka nuk u dorëzua dhe barazoi shtatë minuta më vonë me Andreas Christensenin.

Por, Mbappe ishte në vendin dhe kohën e duhur kur harkoi Antoine Griezmann, katër minuta para fundit.

Franca kalon tutje me gjashtë pikë pas dy ndeshjeve. Në vendin e dytë është Australia me tri pikë.

Danimarka dhe Tunizia kanë nga një pikë.

Në ndeshjen e ardhshme, Danimarka luan kundër Australisë dhe i duhet fitorja për të avancuar tutje. Franca luan me Tunizinë.