Klinsmann merr drejtimin e Kombëtares aziatike
Jurgen Klinsmann do të marrë drejtimin e Kombëtares së Koresë së Jugut, ka njoftuar zyrtarisht federata e këtij vendi. Kjo lajm ka ardhur pas shumë spekulimeve rreth emrave të mundshëm për këtë pozicion, si Vladimir Petkovic, Thorsten Fink dhe Rafa Benitez, të cilët u përmendën në media.
Klinsmann, i cili ishte sulmues dhe ka luajtur për Interin, Tottenhamin dhe Bayern Munich, ka qenë trajner i ekipit kombëtar të Gjermanisë, duke i udhëhequr ata në vendin e tretë në Kupën e Botës 2006. Ai ka qenë gjithashtu trajneri i Bayern Munich dhe më pas i kombëtares së SHBA-së.
Klinsmann pason në këtë post Paulo Benton, i cili udhëhoqi ekipin koreano-jugor deri në 1/8 e finales së Kupës së Botës në Katar, ku ata u mundën nga Brazili me rezultatin 4-1. Marrëveshja është që ai do të sjellë me vete 4 trajnerë, ndërsa federata do të punësojë edhe 2 trajnerë koreanë.
“Afati i kontratës me Jurgen Klinsmann është nga marsi deri në vitin 2026”, – shkroi Federata e Futbollit të Koresë së Jugut në një deklaratë, duke shtuar se gjermani do të mbërrijë në Seul javën e ardhshme dhe do të jetë përgjegjës për miqësoren kundër Kolumbisë më 24 mars.
