Drita debuton me barazim në Ligën e Konferencës
Kampionia e Kosovës, Drita, ka nisur aventurën e saj në fazën e grupeve të Ligës së Konferencës me një barazim të vlefshëm.
Ekipi i trajnerit Zekirija Ramadani mori një pikë të rëndësishme në udhëtimin e gjatë drejt Tampere, duke luajtur kundër KuPS-it të Finlandës. Ndeshja, e zhvilluar të enjten mbrëma, përfundoi 1:1.
Për vendasit shënoi sulmuesi polak, Piotr Parazyszek, në minutën e 75-të, duke kaluar KuPS-in në avantazh. Por Drita nuk u dorëzua dhe në minutën e 80-të, Albert Dabiqaj barazoi shifrat me një goditje të bukur me kokë, duke siguruar rezultatin përfundimtar.
Ky barazim në transfertë i jep Dritës një start pozitiv në garën evropiane, ndërsa skuadra synon të marrë edhe më shumë pikë në ndeshjet e ardhshme.
