Dorëzohet De Gea, merr vendimin për të ardhmen te Manchester United
Duket se e ardhmja e portierit spanjoll David De Gea do të jetë sërish te skuadra e Manchester United. Gjithsesi, portieri 32-vjeçar ka vendosur të ulë ndjeshëm rrogën e tij për të vijuar aventurën në “Old Trafford”.
Sipas marrëveshjes që do të bëhet publike së shpejti, De Gea do të luajë edhe për katër sezone të tjera me Manchester United, deri në vitin 2027. Portieri veteran spanjoll luan me fanellën e “djajve të kuq” që prej vitit 2011, duke qenë kapiten.
Sipas ESPN, portieri spanjoll ka rënë dakord me klubi anglez për të ulur rrogën, por me kusht që të nënshkruajë një kontratë 4-vjeçare. Kontrata aktuale skadon në fund të këtij sezoni dhe palët kishin kohë që negocionin mes tyre.
