Daja: Kemi bërë ndeshje të mirë
Trajneri i Ballkanit, Ilir Daja e ka vlerësuar paraqitjen e skuadrës ndaj Dukagjinit. Dukagjini e Ballkani barazuan 1:1 në Klinë.
Me barazim, Ballkani nuk ia doli të kthehet në pozitën e parë.
“Kemi bërë një ndeshje goxha të mirë. Kemi qenë shumicën e kohës në fushën e kundërshtarit. Kemi pasur disa raste në pjesën e parë për të shënuar dy-tre gola. Në pjesën e dytë vazhduam të kërkojmë rezultatin. Por pësuam nga një kundërsulm, ndoshta në daljen e parë të kundërshtarit. E kemi ditur që është fushë e vështirë”, ka theksuar Daja.
