Amorim mund ta rikthejë Onanën në portë kundër Fulhamit
Trajneri i Manchester United, Ruben Amorim, po shqyrton rikthimin e Andre Onanës si portier titullar përballë Fulhamit të dielën, pas rikuperimit të kamerunasit nga një lëndim në muskul.
Onana u rikthye në stërvitje të plotë këtë javë, pasi mungoi gjatë fazës përgatitore dhe në humbjen hapëse të sezonit ndaj Arsenalit. Në atë ndeshje, Altay Bayindir u aktivizua nga minuta e parë, por paraqitja e tij u kritikua pas një gabimi vendimtar.
Sipas burimeve pranë klubit, Onana pritet të kryejë të paktën katër seanca stërvitore para ndeshjes së fundjavës, duke rritur gjasat që të zërë vendin mes shtyllave.
Megjithatë, vendimi nuk shihet i lehtë, pasi Amorim është i kujdesshëm që të mos ndikojë në besimin e Bayindirit, i cili gëzon marrëdhënie të mirë me Onanën.
