Shtohen zërat për emërimin e Xabi Alonso në krye të Real Madrid

Sipas të përditshmes gjermane Bild, spanjolli Xabi Alonso, i cili udhëheq Bayer Leverkusen, është favorit për të marrë drejtimin e Real Madridit nga korriku 2024.

Në moshën 41-vjeçare, Xabi Alonso ka pasur një sezon të mrekullueshëm me Bayer Leverkusen. Ai e mori skuadrën në tetor të vitit të kaluar, kur klubi ishte i parafundit në kampionatin gjerman dhe përfundoi në vendin e gjashtë. Trajneri ishte edhe gjysmëfinalist në Europa League.

Synimi i ish-futbollistit ka qenë gjithmonë që të qëndrojë të paktën dy vite në skuadrën gjermane për të tentuar të bëjë një punë të mirë që do ta kualifikonte për një klub më ekspresiv.

Alonso luajti pesë sezone për skuadrën spanjolle, midis 2009 dhe 2014, dhe fitoi Ligën e Kampionëve në vitin e tij të fundit në klubin nën drejtimin e Carlo Ancelotti.

Carlo Ancelotti, 64 vjeç, ka kontratë me Real Madridin deri në fund të sezonit të ardhshëm. Konfederata Braziliane e Futbollit garanton se gjithçka është rregulluar me trajnerin italian për të drejtuar kombëtaren, por ende nuk dihet se kur italiani do të jetë në dispozicion për të marrë detyrat.