FIFA: Kupa e Botës për Klube nuk do të preket
Një përplasje e hapur mes Fifpro dhe FIFA-s ka qenë në qendër të vëmendjes në futbollin ndërkombëtar, pasi shoqata e lojtarëve ka akuzuar FIFA-n për bllokimin e kalendarit ndërkombëtar dhe ka kërkuar heqjen e Kupës së Botës për Klube, e cila është planifikuar për qershorin dhe korrikun e vitit 2025 në SHBA. Megjithatë përgjigja e FIFA-s ka ardhur në formë të një letre nga sekretari i përgjithshëm, Mattias Grafstrom, e cila ka konfirmuar që turneu nuk do të preket dhe do të zhvillohet sipas planit.
Letra thekson se FIFA ka konsultuar Fifpro dhe WLA-në për çështjen e kalendarit dhe ka nënvizuar angazhimin e tyre për zhvillimin e futbollit global. Ndërkohë, FIFA ka akuzuar anëtarët e të njëjtave organe për hipokrizi, duke përmendur organizimin e turneve verorë nga Premier League, e cila është përbërësja kryesore e WLA-s. Edhe pse ka dyshime nëse Fifpro dhe WLA do të ndërmarrin veprime ligjore, FIFA ka rikonfirmuar se të ardhurat neto nga këto garat do të investohen plotësisht në zhvillimin e futbollit global. Në letër, FIFA ka shprehur gatishmërinë për një diskutim të mëtejshëm me këto organizata përpara kongresit të planifikuar për më 17 maj në Bangkok të Tajlandës. Ndërkohë, në fjalët e fundit, FIFA ka rikonfirmuar pritshmërinë për zhvillimin e Kupës së Botës për Klube, duke e shfaqur një qëndrim të palëkundur ndaj planit të tyre për vitin e ardhshëm.
