Genc Nuza ndan sërish drejtësinë në fazën e grupeve në Ligën e Konferencës

Gjyqtari kosovar Genc Nuza për herë të dytë në këtë edicion do të ndajë drejtësinë në fazën e grupeve në Ligën e Konferencës së UEFA-s. Ai do të jetë gjyqtar kryesor në ndeshjen ndërmjet HJK Helsinkit dhe Aberdeenit, e cila zhvillohet më 30 nëntor, në orën 18:45. Nuza do të shoqërohet nga asistentët Fatlum Berisha dhe Bujar Selimaj, si dhe gjyqtari i katërt, Dardan Çaka. Ky moment shënon një rritje të vazhdueshme të prezencës së gjyqtarëve nga Kosova në arenën ndërkombëtare dhe dëshmi e punës së tyre profesionale. Do theksuar se Nuza është pjesë e Programit të UEFA-s ‘Mentor Talent’, si një nga gjyqtarët perspektivë të UEFA-s.