Maqedonia e Veriut me shtatë shqiptarë do të luajë ndaj Italisë dhe Anglisë

Përzgjedhësi i Përfaqësueses të Maqedonisë së Veriut, Bllagoja Milevski, ka bërë të ditur emrat e futbollistëve që do t’i llogarisë për ndeshjet eliminatore të Kampionatit Evropian 2024 ndaj Italisë me 17 nëntor në Romë dhe kundër Anglisë me 20 nëntor në Shkup.

Në listën e seleksionuesit Bllagoja Milevski për dy ndeshjet e fundit të ciklit eliminator janë përfshirë 25 futbollistë, ndërsa në mesin e tyre edhe shtatë shqiptarë.

Shqiptarët e ftuar për këto dy ndeshje janë: Visar Musliu, Ezgjan Alioski, Arijan Ademi, Enis Bardhi, Agon Elezi, Isnik Alimi dhe Erdon Daci.

Risi në listën e Maqedonisë është rikthimi i mesfushorit, Tihomir Kostadinov.

Grumbullimi zyrtar i reprezentuesve të Maqedonisë për ndeshjet kundër Italisë dhe Anglisë është caktuar për më 13 nëntor në Hotel Hilton në Shkup.

Lista

PORTIERËT: Stole DIMITRIEVSKI (Rayo Vallecano), Damjan SHISHKOVSKI (Doxa), Igor ALEKSOVSKI (Rabotniçki);

MBROJTJA: Visar MUSLIU (Paderborn), Todor TODOROVSKI (ZTE), Nikolla SERAFIMOV (Fehervar), Jovan MANEV (Osijek), Ezgjan ALIOSKI (Al Ahly), Bojan DIMOSKI (Akron), Ahmet ILJAZOVSKI (Hvidovre), Stefan ASHKOVSKI (Radnicki Nish);

MESFUSHA: Enis BARDHI (Trabzonspor), Tihomir KOSTADINOV (Piast Gliëice), Arijan ADEMI (Dinamo Zagreb), Jani ATANASOV (Krakov), Agon ELEZI (Varazdin), David BABUNSKI (Mezokoveszd), Isnik ALIMI (Sepsi);

SULMI: Bojan MIOVSKI (Aberdeen), Milan RISTOVSKI (Spartak Trnava), Darko ÇURLINOV (Burnley), Elif ELMAS (Napoli), Erdon DACI (Westerlo), Aleksandar TRAJKOVSKI (Hajduk), Dimitar MITROVSKI (Varazdin);