Zhdrella për Ballkani.info komenton shortin për Europa League: I vështirë por jo i pakalueshëm
Llapi ka mësuar sot kundërshtarin e saj në Ligën e Evropës në shortin e hedhur në Nyon të Zvicrës.
Skuadra e Tahir Batatinës ishte e pafat pasi do të ndeshet me skuadrën polake Wisla Krakow një rival bukur i madh.
Drejtori sportiv i kësaj skuadre Mentor Zhdrella në një bisedë për Ballkani.info e ka komentuar shortin duke e cilësuar si mjaft të vështirë por jo edhe të pakalueshëm.
“Ne e kemi ditur që në këtë kompticion të gjithë kundërshtarët janë cilësorë”, ka thënë fillimisht Zhdrella duke shtuar.
“Ne tashmë kemi marrë informacionet e para për kundërshtarin dhe do vijojmë t’i analizojmë ata deri në detajet e fundit që të kalojmë tutje në raundin tjetër. Besoj në ekipin që kemi dhe nuk kam dyshim që do t’ia dalim”, ka përfunduar Zhdrella.
