Vetëm edhe pak bileta VIP për Kosovë–Austri, “Fadil Vokrri” do të jetë i stërmbushur
Interesimi për ndeshjen Kosovë–Austri, e cila zhvillohet më 4 tetor në stadiumin “Fadil Vokrri” në Prishtinë, është jashtëzakonisht i madh.
Sipas platformës online të shitjes së biletave, tashmë kanë mbetur në dispozicion vetëm pak bileta VIP, me çmim prej 150 eurosh.
Të gjitha kategoritë e tjera të biletave janë shitur, ndaj “Fadil Vokrri” pritet të jetë i stërmbushur për përballjen e rëndësishme mes Kosovës dhe Austrisë.
Prania e madhe e tifozëve pritet t’i japë edhe një herë një atmosferë të veçantë stadiumit në Prishtinë.
