Van Dijk i futbollit kosovar, kapiteni 18 vjeçar që po e kërkojnë të gjithë
Blerjon Avdimetaj llogaritet si qendërmbrojtësi më perspektiv kosovar. Talenti deçanas është kapiten i Kosovës U19 dhe me performancat e tij ka rënë në sy edhe të skuadrave evropiane.
Mbrojtësi shtatgjatë shquhet për forcën fizike, por edhe lojën e mirë me këmbë duke qenë lider i vërtetë në mbrojtje.
Disa skuadra të Superligës poashtu janë në bisedime për 18 vjeçarin. Avdimetaj verën që lamë pas është stërvitur edhe me skuadrën e Serie A, Cremoneses.
Madje me këtë skuadër kosovari ishte pjesë e turneut “Dosena” ku kishte paraqitje fantastike, por që për shkak të dokumenteve nuk arriti të formalizonte kontratën.
