Spanja në gjysmëfinale, Euro 2024 përfundon për Gjermaninë
Spanja është në gjysmëfinalet e Euro 2024. Kombëtarja e drejtuar nga De la Fuente triumfoi 2-1 përballë Gjermanisë në një duel të zjarrtë dhe spektakolar në Stuttgart.
Koha e rregullt u mbyll në barazim 1-1. Dani Olmo kaloi iberikët në avantazh sapo nisi pjesa e dytë, por gjermanët nuk dorëzohen kurrë dhe arritën të barazonin e evitonin eliminimit falë golit të Florian Wirtz një minutë përpara fundit.
Talenti i Bayer Leverkusen erdhi nga stoli dhe realizoi një gol shumë të rëndësishëm për ekipin e Nagelsmann.
Megjithatë, në vazhdime ishin spanjollët që gjetën golin në minutën e 119-të, duke mos lejuar shkuarjen në penallti.
Ishte Dani Olmo që bëri një harkim të përkryer, derisa Moreno me gjuajtje me kokë shënoi për fitoren 2:1.
