Sot rifillon gara në futbollin kosovar

Pas një pauze pothuajse dy mujore, rikthehen emocionet e futbollit të Kosovës.
Sezoni pranveror fillon me ndeshjet e 1/8 së finales në Kupën e Kosovës, ku sot në program janë katër ndeshje, derisa të dielën luhen katër duelet tjera.
Fituesi në fuqi i Kupës së Kosovës, Llapi do të luajë në udhëtim te Liria, në një ndeshje që gjykohet nga Gramos Shala.
Kampioni aktual i Kosovës, Ballkani do të ketë punë me skuadrën A&N në stadiumin e qytetit në Suharekë.
Sfidë shumë interesante pritet të jetë edhe ajo mes Feronikelit dhe Trepçës ’89 që zhvillohet në Drenas.
Ndërkohë dueli i fundit i ditës së sotme është ai mes Flamurtarit dhe Vushtrrisë. Të gjitha ndeshjet e ditës së sotme zhvillohen me fillim nga ora 13:00.