Robin Haxhi Krasniqi rikthehet me stil, fiton kundër numrit një të Belgjikës
Boksieri kosovar, Haxhi (Robin) Krasniqi është kthyer me fitore në boks. Të shtunën mbrëma, Krasniqi mposhti rusin që jeton në Belgjikë, Timur Nikarkhoevin.
Krasniqi fitoi pas rundit të pestë, pasi kundërshtari u dorëzua. Meçi u mbajt të shtunën mbrëma në Mynih të Gjermanisë.
Ishte meçi i parë që nga tetori i vitit 2021.
Meçi nuk ishte për ndonjë titull. Por fitorja i ndihmon atij të kthehet në luftërat për titujt e botës.
52 fitore e shtatë humbje është bilanci i Krasniqit pas meçit të sotëm.
Nikarkhoev regjistroi humbjen e pestë në karrierë krahas 26 fitoreve që ka.
