Real Madridi bën përmbysjen e madhe, fiton 4:3 ndaj Romës me tre gola në fund
Image: 1143372864, License: Rights-managed, Restrictions: Usage restrictions: Advertising and promotion,Commercial electronic,Consumer goods,Direct mail and brochures,Indoor display,Internal business usage,Personal use, Model Release: no , Credit line: Insidefoto, Insidefoto / Alamy / Profimedia
Real Madridi ka shënuar një fitore spektakolare në udhëtim ndaj Romës, duke triumfuar 4:3 pas një përmbysjeje të jashtëzakonshme në minutat e fundit të ndeshjes.
Kur rezultati ishte 3:1 në favor të skuadrës italiane, gjithçka dukej në anën e Romës. Por, mbretërit treguan edhe një herë se përse Liga e Kampionëve është kompeticioni i tyre i preferuar, duke realizuar tri gola brenda shtatë minutave dhe duke rikujtuar përmbysjet e famshme të së kaluarës.
Ndeshja nisi me një ritëm të lartë, me Romën që rrezikoi disa herë portën e Thibaut Courtois. Epërsinë skuadrës vendase ia dha De Roon, i cili në minutën e 20-të shënoi me një goditje nga distanca për 1:0.
Përgjigjja e Real Madridit erdhi pesë minuta më vonë. Kylian Mbappe, me goditjen e tij të parë në ndeshje, barazoi shifrat në 1:1.
Roma e nisi furishëm edhe pjesën e dytë, ndërsa Malen realizoi dy herë, në minutat 51 dhe 57, për ta çuar rezultatin në 3:1. Ky rezultat mbeti në fuqi deri në minutën e 83-të, kur Espi ngushtoi epërsinë në 3:2 dhe riktheu shpresat e madrilenëve.
Vetëm dy minuta më vonë, Endrick shënoi për 3:3, duke e kthyer ndeshjen në një dramë të vërtetë.
Kur gjithçka po shkonte drejt fundit, Antonio Rüdiger goditi sërish. Në minutën e 90-të, mbrojtësi realizoi golin e fitores kundër ish-skuadrës së tij, duke vulosur triumfin 4:3 të Real Madridit.
Një përmbysje e madhe, tri gola në shtatë minuta dhe një tjetër mbrëmje evropiane që dëshmon se Real Madridi nuk dorëzohet kurrë.
