November 2026
M T W T F S S
 1
2345678
9101112131415
16171819202122
23242526272829
30  
November 11, 2026

Basriu vendos për Dukagjinin, klinasit ngjiten në pozitën e tretë

Dukagjini ka shënuar fitore minimale 1:0 ndaj Vushtrrisë, në ndeshjen e xhiros së nëntë të Superligës së Kosovës në futboll.

Golin e vetëm të ndeshjes e realizoi kapiteni dhe qendërmbrojtësi Elton Basriu, i cili në minutën e 10-të shënoi me kokë nga afërsia, duke ia siguruar tri pikë të rëndësishme skuadrës nga Klina.

Ndeshja u zhvillua të mërkurën mbrëma në stadiumin “18 Qershori” në Klinë.

Me këtë fitore, Dukagjini, fitues i Kupës së Kosovës në edicionin e kaluar, është ngjitur në pozitën e tretë të tabelës me 16 pikë pas nëntë ndeshjeve të zhvilluara.

Në krye të renditjes janë Malisheva dhe Prishtina, me nga 19 pikë. Malisheva ka zhvilluar tetë ndeshje, ndërsa Prishtina shtatë.

Leave a Reply

Your email address will not be published. Required fields are marked *