Rashani për Zhegrovën: Jam shumë i lumtur për të, po e bën vendin tonë krenar me paraqitjet
Edon Zhegrova ka pasur një paraqitje fantastike sot ndaj Clermont të Elbasan Rashanit, ku realizoi një gol dhe bëri një asistim në fitoren e Lille me rezultatin 4-0.
Futbollisti kosovar i Clermont, Elbasan Rashani ka potencuar se është i lumtur me paraqitjet e fundit të Zhegrovës, pavarësisht që sot e mposhti ekipin e Clermontit.
“Jam i lumtur për të, jam krenar për të dhe ai është një lojtar që e bën vendin tonë krenar, ai me të vërtetë na mposhti sot, por unë jam shumë i lumtur për të”, tha Rashani për PVS Sport.
