Paraqitja fantastike në fundjavë, Aro Muric në formacionin e javës në Serie A
Arijanet Muric ka filluar të lë gjurmë në elitën e futbollit italian me fanellën e Sassuolos.
Portieri kosovar pati paraqitje të shkëlqyer në fitoren e skuadrës së tij ndaj Veronës me rezultat 0-1.
Muric bëri nëntë pritje në këtë ndeshje, teksa mori notën 10 nga SofaScore.
26-vjeçari ka zënë vend në formacionin e javës në Serie A si lojtari me notën më të lartë 10.
Në mbrojtje është Wesley i Romës dhe Dimarco i Interit si anësorë, derisa dyshja në qendër të mbrojtjes janë nga Udinese si Kabasele dhe Solet.
Në mesfushë janë Perrone i Comos, Moro i Bolognës dhe Barella i Interit.
Ndërkohë treshja e sulmit përbëhet nga Cancellieri i Lazios, Cambiaghi i Bolognës dhe Bonny i Interit.
