Interi triumfon ndaj Atleticos
Interi e ka mposhtur Atletico Madridin me rezultat 1-0, në kuadër të 1/8 së finales së Ligës së Kampionëve.
Pjesa e parë u mbyllë zbehtë me shumë pak raste të krijuara nga dy anët.
Megjithatë, pjesa e dytë ishte komplet ndryshe, me Marko Arnautoviqin i cili humbi një rast ideal për të shënuar.
Ndonsë, Arnautoviq u tregua i saktë në minutën e 79’, për t’ia dhënë epërsinë zikaltërve.
Atletico u mundua me Alvaro Moratën që të gjejë golin e barazimit, por që mungoi konkretizimi i rasteve. Kështu Interi do të ketë epërsinë prej një goli nga ndeshja e parë.
Përndryshe, ndeshja kthyese do të luhet me datën 13 mars, duke filluar nga ora 21:00.
