Fisnik Asllani rikthehet fuqishëm pas lëndimit

Sulmuesi kosovar, Fisnik Asllani është rikthyer fuqishëm pas lëndimit që e la larg fushës së gjelbër për 5 muaj. Dardani më i ri i Kosovës shënoi gol në barazimin që skuadra e tij Austria e realizoi para tifozëve të vet ndaj Altach, në ndeshjen e xhiros së 29-të në Bundesligën e Austrisë, që tashmë zhvillon fazën e play-out-it. Asllani realizoi golin për rezultat 2:1, por në fund skuadra e tij u detyrua të kënaqet me barazim. Megjithatë, paraqitja e Asllanit ishte mbresëlënëse dhe ai u vlerësua me notën maksimale në ndeshje 9.