Drenica merr tri pikë të arta në Klinë
Drenica ka fituar në udhëtim te Dukagjini në stadiumin “18 Qershori” në Klinë, me gol të minutës së 93-të.
Golin e fitores e realizoi mesfushori Fjoart Jonuzi dhe më pas ndeshja u mbyll 1:0 në të mirë të “kuqezinjve”
Me fitoren e arritur në minutën e tretë të kohës shtesë, Drenica është barazuar me pikë me Dukagjinin në mes të tabelës.
Dukagjini i gjashti dhe Drenica e shtata i kanë nga 41 pikë. Llapi i ka 39 pikë në vendin e tetë, atë të barazhit.
Ferizaj mbetet në pozitën e parafundit me 34 pikë, teksa Prishtina e Re në pozitën e fundit i ka 28 pikë.
