De la Fuente pas triumfit: Kjo fitore është sublime, Spanja e meritoi titullin

Trajneri i Spanjës, Luis de la Fuente, ka shprehur krenarinë e tij pas triumfit në Kupën e Botës 2026, pasi “La Roja” mposhti Argjentinën 1-0 në finalen e madhe.

Tekniku spanjoll e cilësoi suksesin si rezultat të punës së vazhdueshme, përmirësimit nga ndeshja në ndeshje dhe sakrificës së gjithë skuadrës.

“Patëm një Kupë Bote të shkëlqyer dhe mësuam nga çdo ndeshje. Në finale ishim superiorë. Është për të ardhur keq që nuk e zgjidhëm ndeshjen më herët, por ndeshje të tilla nuk janë kurrë të lehta”, deklaroi De la Fuente.

Spanja siguroi trofeun pas një paraqitjeje të fortë ndaj kampionëve në fuqi, ndërsa trajneri vlerësoi karakterin e lojtarëve të tij.

“Të fitosh përmes sakrificës është gjithmonë diçka e veçantë. E mbajtëm Argjentinën larg me posedimin e topit dhe bëmë një punë të jashtëzakonshme si ekip”, u shpreh ai.

De la Fuente theksoi se suksesi nuk ishte rezultat i një lojtari të vetëm, por i forcës së grupit dhe organizimit të skuadrës.

“Kam lojtarë të mrekullueshëm, më të mirët në botë. Ata e bëjnë gjithçka të duket më e lehtë dhe gjithmonë punojnë me përkushtim maksimal. Kemi pasur ekipin më të mirë dhe jam shumë krenar për ta”, përfundoi trajneri spanjoll.