Vëllaznimi transferon edhe një lojtar të Drenicës

Skuadra e Vëllaznimit po vazhdon përforcimet në merkaton e verës. Klubi gjakovar arriti të mbetet në Ligën e Parë, andaj tashmë duan ta forcojnë ekipin që të jenë sa më konkurrues.

Burime të ‘GazetaBlic Sport’ mësojnë se Altin Vojvoda pritet të jetë transferimi i radhës tek gjakovarët.

Vojvoda stinorin e fundit luajti tek Drenica, teksa sezonin e ardhshëm do të luajë në Ligën e Parë me Vëllaznimin.

Altin Vojvoda në të kaluarën ishte pjesë e Arbërisë dhe KF Vjosa.