Udhëtimi i Messit në Arabinë Saudite nuk është miratuar nga drejtuesit e PSG
Vizita e Lionel Messit në Arabinë Saudite, e cila erdhi disa orë pas humbjes tronditëse të PSG-së ndaj Lorientit, thuhet se nuk u miratua nga trajneri, Christophe Galtier.
Ylli argjentinas luajti 90 minutat e plota për Paris Saint-Germain të dielën teksa ata pësuan një humbje historike 3-1.
Messi udhëtoi më pas në Arabinë Saudite së bashku me familjen e tij, transmeton lajmi.net.
‘L’Equipe’ pretendon se trajneri i PSG-së, Galtier, së bashku me këshilltarin e futbollit Luis Campos, kundërshtuan një udhëtim në Lindjen e Mesme, por Messi mori leje nga bordi i klubit nga Katari.
Kjo e lejoi atë të përfundonte një udhëtim që konsiderohet të jetë pjesë e angazhimeve të tij si ambasador për Arabinë Saudite, ndërsa ata përpiqen të organizojnë Kupën e Botës 2030.
Messi, i cili ka parë të spekulohet një lëvizje në Lindjen e Mesme që do ta ribashkonte atë me rivalin e përjetshëm Cristiano Ronaldo, postoi në mediat sociale për pushimin e tij jashtë Francës:
“Kush mendoi se Arabia ka kaq shumë gjelbërim? Më pëlqen të eksploroj mrekullitë e tij të papritura sa herë që mundem.”
Ministri i Turizmit i Arabisë Saudite, Ahmed Al-Khateeb, u përgjigj duke thënë: “Jam i lumtur të mirëpres ambasadorin saudit të Turizmit Lionel Messi dhe familjen e tij në pushimet e tij të dyta në Saudi. Jemi të lumtur të ndajmë mirëseardhjen tonë autentike saudite me ju të gjithëve.
