Panadiqi thotë se lojtarët e Ferizajt janë profesionist

Trajneri i Ferizajt, Andrej Panadiq, ka thënë se është i kënaqur me angazhimin e lojtarëve të tij në barazimin që e morën në udhëtim te skuadra e Gjilanit.

“Lojtarët e mi i kryejnë të gjitha detyrat që unë kërkoj nga ta t’i bëjnë. Janë profesionist. Ajo që sot ishte e rëndësishme është se ata ishin të bashkuar dhe të gjithë jemi të kënaqur me rezultatin. Në përgjithësi ishim të barabartë, përveç 20-të minutave të fundit, ku Gjilani tregoi fuqinë dhe kualitetin që e ka brenda skuadrës”, është shprehur Panadiq.