Drita një hap larg titullit, mposht Prishtinën në derbin e javës
Liderja e Superligës së Kosovës, Drita, ka bërë një hap të madh drejt mbrojtjes së titullit të kampionit, pasi ka triumfuar minimalisht 1:0 ndaj Prishtinës në derbin e xhiros së 31-të.
Ndeshja e zhvilluar të mërkurën pasdite u vendos në minutat e fundit, kur sulmuesi Blerim Krasniqi realizoi golin e vetëm të takimit në minutën e 83-të, pas një asistimi të saktë nga Liridon Balaj.
Me këtë fitore, Drita e forcon pozitën e parë në tabelë me 60 pikë, duke u afruar ndjeshëm drejt titullit kampion, ndërsa deri në fund të kampionatit kanë mbetur edhe pesë xhiro.
Në anën tjetër, Prishtina pësoi humbjen e parë pas katër barazimeve radhazi dhe mbetet në vendin e katërt, katër pikë larg zonës që siguron pjesëmarrjen në garat evropiane.
