Eroll Salihu që nga korriku i vitit të kaluar nuk është pjesë e Komitetit Ligjor të UEFA-s
1 min read![](https://futbolli.info/wp-content/uploads/2023/01/4A8071AC-7ED3-45E6-9F3F-78861DEDAD1C.png)
Ish-sekretari i përgjithshëm i Federatës së Futbollit të Kosovës, Eroll Salihu së fundi në një emision televiziv kishte pohuar dëshirën e tij për t’u bërë kryetar i këtij institucioni. Gjatë emisionit ai theksoi se mbante ende detyrën e anëtarit në Komitetit Ligjor të UEFA-së. Por Albanian News merr vesh se mandati i tij në këtë komision ka përfunduar para kohe.
“Eroll Salihu kishte deklaruar diçka të pavërtetë, pasi që nga korriku i vitit të kaluar (2022), Salihu e di mirë që nuk është më pjesë e atij komiteti”, thotë burimi i Albanian News.
I njëjti burim thekson se vendin, të cilin e mbante Salihu tanimë e ka zënë Taulant Hodaj. Ky i fundit e ushtron detyrën e sekretarit të përgjithshëm në FFK, që nga largimi i Salihut.
Më posht gjeni dokumentin e siguruar për vërtetësinë e këtij informacioni.
![](https://futbolli.info/wp-content/uploads/2023/01/C960DE01-10FD-4388-8E2D-BC56ADB1150C.jpeg-522x1024.webp)