Ademi takon Infantino
Presidenti i FFK-së, Agim Ademi, i cili ndodhet në Cyrih për shortin e Kupës së Botës ka takuar presidentin e FIFA-s, Gianni Infantino.
“Sot pata kënaqësinë të zhvilloj një takim tjetër shumë miqësor me presidentin e FIFA-s, Gianni Infantino, në darkën e shtruar prej tij në prag të shortit për Kupën e Botës 2026. Diskutuam për zhvillimin e futbollit në Kosovë dhe mbështetjen që FIFA do të vazhdojë të ofrojë për projektet tona. Presidenti Infantino na uroi fat në shortin e nesërm dhe rrugëtim të mbarë në ciklin kualifikues”, ka shkruar Ademi.
