Feronikeli 74 mbetet në Superligë, mposht Prishtinën e Re në barazh
Skuadra e Feronikelit ka arritur të mbijetojë në Superligë, pasi në ndeshjen e barazhit kundër Prishtinës së Re, ka triumfuar me rezultat 1:0. Përcaktues ishte zëvendësuesi Alban Shillova, i cili realizoi në minutën e 7-të të kohës shtesë. Shillova përfitoi nga një devijim jo i mirë me kokë i mbrojtësit të prishtinasve, Guri Hana dhe pa ndonjë telashe e mposhti Bislimin. Alban Shillova shënoi edhe në minutën e 78-të, me gjuajtje me kokë, por goli u anulua nga VAR-i për pozitë jashtë loje.
