Ademi në Londër bashkë me Perez dhe Watzke

Një natë para finales së madhe të Ligës së Kampionëve, Borussia Dortmund – Real Madrid, presidenti i Federatës së Futbollit të Kosovës, Agim Ademi bëri një postim në rrjetet sociale me dy presidentët e klubeve finaliste, Florentino Perez dhe Hans-Joachim Watzke.

Ademi, i cili ndodhet në Londër me ftesë të UEFA-së, ka marrë pjesë në ceremoninë e organizuar nga nikoqiri i kësaj finaleje, ku ndodhen edhe mysafirë tjerë të shumtë, në mesin e të cilëve edhe shumë legjenda të futbollit.