Asgjë e re, Bayer Leverkusen mund në mënyrë rutinore Wolfsburgun

Xabi Alonso dhe Bayer Leverkusen i tij duket se nuk kanë ndërmend të ndalen, pasi kanë shënuar një tjetër fitore në Bundesligë.

“Farmacistët” mundën në mënyrë rutinore Wolfsburgun 2:0 në ndeshjen e xhiros së 25-të dhe vazhduan ecurinë e tyre pa humbje, duke shkuar sigurt drejt titullit të parë të klubit në histori.

Për triumfin mjaftoi nga një gol në të dyja pjesët dhe në listën e golashënuesve hynë Natan Tela dhe Florian Wirtz, i cili shënoi golin e gjashtë në sezon. Vlen të theksohet se mysafirët kishin një lojtar më pak që nga minuta e 28-të, kur Moritz Jentz mori kartonin e dytë të verdhë dhe më pas Leverkusen e shfrytëzoi në maksimum avantazhin numerik në fushë dhe rifitoi avantazhin prej shtatë pikësh ndaj Bayern Munichut, por ka edhe një lojë më pak.

Trajneri Alonso u largua nga fusha me një buzëqeshje të madhe në fytyrë pas ndeshjes dhe u gëzua pa masë me paraqitjen e lojtarëve të tij që sollën një tjetër gëzim për tifozët e tyre. Në ndeshjen e ardhshme “farmacistët” do të kenë një vizitë të vështirë në Freiburg.

Kosovari i Kombëtares së Zvicrës, Granit Xhaka luajti titullar dhe pati një tjetër paraqitje të shkëlqyeshme.