Amar Gërxhaliu nuk lëviz nga Kosova

Gjatë ditës së sotme mediat në Shqipëri kanë vazhduar me ‘propagandën’ kinse trajneri i Kombëtares së Shqipërisë ia ka vën syrin qendërmbrojtësit të Kombëtares së Kosovës, Amar Gërxhaliut.

Gërxhaliu ishte i ftuar te Kombëtarja e Kosovës në dy ndeshjet e fundit kualifikuese ndaj Andorrës dhe Izraelit.

Gerxhaliu shihet si njëri prej mbrojtësve më perspektivë dhe Kosova llogarit në shërbimet e tij, shkruan Futbolli.info.

“Panaroma Sport” sot ka shkruar se Sylvinho është duke e vëzhguar Gerxhaliun për ta afruar te Shqipëria, por një gjë e tillë nuk ka shanca të ndodh.

Sipas informacioneve të Futbollit.Info, Gërxhaliu nuk ka shance që të largohet nga Kosova dhe ka besimin e plotë të shtabit të Kombëtares A.