Florent Muslija në 11-shen më të mirë të javës
Mesfushori i Kombëtares së Kosovës, Florent Muslija, po vazhdon të shkëlqejë në Bundesliga 2. Ai në vikendin që e lamë pas shënoi dy gola në fitoren 3:1 që skuadra e tij Paderborn e arriti ndaj Schalke 04.
Paraqitja e tij e shkëlqyeshme bëri që 25-vjeçari të jetë në 11-shen më të mirë të javës me notën maksimale.
Ai është një nga lojtarët më në formë të Kombëtares së Kosovës.
Goli i parë erdhi nga penalltia në minutën e 53-të, që ishte një realizim shumë i bukur në krahun e djathtë të portierit mysafir, teksa shënoi edhe për 3:0, me një gjuajte fantastike nga distanca në minutën e 76-të.
