10 klube kalojnë me sukses procesin e licencimit për Evropë, Suhareka ngec
Komisoni i Shkallës së Parë në kudër të Departamentit të Licencimit në FFK ka marrë vendimet për Licencimin e klubeve për garat e UEFA-s, për edicionin garues 2025/26.
Në total sivjet kanë aplikuar 11 klube, 9 nga Superliga e meshkujve dhe 2 nga Superliga e femrave. 10 nga këto klube e kanë kaluar me sukses këtë proces dhe janë licencuar, duke e fituar të drejtën që varësisht nga rezultatet sportive, të paraqitën në garat e UEFA-s, kurse një klub nuk ka marrë licencën.
Klubet e licencuara janë: FC Drita; FC Ballkani; FC Malisheva; KF Ferizaj; SC Gjilani; FC Prishtina; KF Llapi; KF Dukagjini; Si dhe tek femrat: KFF Dukagjini dhe KFF Mitrovica.
Kurse klubi i vetëm të cilit i është refuzuar licenca është FC Suhareka.
