Prishtina merr tri pikë në “Bajram Aliu”, Malisheva frenon Dritën

Kanë përfunduar dy ndeshjet e sotme të javës së 26-të në Albi Mall Superligë. Prishtina ka fituar në udhëtim te Drenica me rezultat 1:0, në stadiumin “Bajram Aliu” në Skenderaj.
Golin e vetëm në këtë ndeshje e shënoi qendërmbrojtësi Bujar Pllana, në minutën e 33-të të ndeshjes.
Në minutën e 22-të, Prishtinës iu anulua një gol i Leotrim Kryeziut për pozitë jashtë loje, pas shikimit të situatës në VAR.
Ndërkaq, në ndeshjen tjetër Drita nuk arriti të marrë më shumë se një pikë si mysafire me Malishevën, duke e mbyllur takimin baras 0:0.