Prishtina eliminon Ballkanin nga Kupa e Kosovës
Skuadra e Prishtinës ka fituar ndaj Ballkanit në çerekfinalen e Kupës së Kosovës.
Prishtina ka mposhtur Ballkanin me rezultatin 0-2, për të kaluar tutje në gjysmëfinalen e këtij kompeticioni.
Kreshnik Uka nga penalltia në fundin e pjesës së parë dhe Genc Hamiti në minutën e 53’të shënuan për Prishtinën në këtë duel.
Me këtë fitore, Prishtina kalon tutje në gjysmëfinale, kurse Ballkani eliminohet nga Kupa e Kosovës.
Prishtina më herët në këtë kompeticion kishte eliminuar Vëllaznimin dhe Dukagjinin.
